५ माघ, २०८१
महाकाली, भौतिक पूर्वाधार तथा यातायात मन्त्री मा. देवेन्द्र दाहाल र गृहमन्त्री मा. रमेश लेखकले निर्माण शुरु भई अवरुद्ध भएको महाकाली पुलको निरीक्षण गर्नु भएको छ । त्यस क्रममा मन्त्री दाहालले यस विषयमा आवश्यक छलफलपछि निर्णय गरिने बताउनुभयो । मन्त्रीद्वय सहित भौतिक पूर्वाधार तथा यातायात मन्त्रालयका सचिव केशवकुमार शर्मा, सडक विभागका महानिर्देशक रामहरी पोखरेल सहित विज्ञहरुको टोलीले पुलको निरीक्षण गरेको हो ।
